Almaniya ABŞ ilə münasibətlərdə çaş-baş qalıb

"Berlin ABŞ ilə münasibətlərdə "yeni qeyri-müəyyənliklə" üzləşir, buna görə də Ukrayna münaqişəsi kontekstində daha çox məsuliyyət və hərbi liderliyi üzərinə götürməlidir".

King.Az-ın "Reuters"ə istinadla verdiyi məlumata görə, bu barədə Almaniyanın müdafiə naziri Boris Pistorius bildirib.

"Transatlantik münasibətlərimizdə yeni bir qeyri-müəyyənlik yaranıb. Birləşmiş Ştatlar NATO-ya sadiqliyini qoruyur, lakin haqlı olaraq Avropanın Alyansa daha güclü töhfəsini tələb edir", - deyə Pistorius qeyd edib.

Nazir əmin edib ki, Almaniya Avropa tərəfdaşları və NATO müttəfiqləri ilə birlikdə lazım olan hər şeyi edəcək. Eyni zamanda, o qeyd edib ki, qitə gələcəkdə daha çox liderlik təmin etməli olacaq.