Mətbəx - Fine.Az https://Fine.Az/ Mətbəx - Fine.Az true https://Fine.Az/metbex/17402-yulaf-grissini-resepti.html Beyaz_Gul Mətbəx Wed, 16 Apr 2025 12:41:27 +0400

Yulaf grissini resepti

Tərkibi:
1,5 fincan yulaf unu
1 xörək qaşığı zeytun yağı
1 çay qaşığı zəncəfil
1 çay qaşığı kakos
1-2 çay qaşığı balzamik sirkə (Digər sirkələr də işləyəcək)
yarım fincan su
qarazirə

Hazırlanması:
Yulaf unu, zeytun yağı, zəncəfil, qarazirə və duzu qarışdırın.
Sirkə əlavə edildikdən sonra yarım çay stəkanı suya nəzarət qaydasında əlavə olunur.
Xəmir qarışığı əvvəlcə qarışıq görünə bilər, ancaq yulaf 5 dəqiqədən sonra suyu udub qalınlaşacaq.
Əlinizi biraz isladın və şəkilləndirin.
Bu zaman soba 200 dərəcəyə qoyulur və 25 dəqiqə bişirilir. Qəlyanaltı kimi ideal bir seçim olacaq

Nuş olsun!

]]> true https://Fine.Az/metbex/17401-dnvari-qhv-pecenyesi-resepti.html Beyaz_Gul Mətbəx Wed, 16 Apr 2025 12:38:40 +0400

Dənəvari qəhvə peçenyesi resepti

Tərkibi:
4,5 fincan un
1 paket 250 q yağ
1 türk fincan yağı
2 xörək qaşığı kakao
2 xörək qaşığı nişasta
1,5 stəkan toz şəkər
1,5 xörək qaşığı dənəvər qəhvə

Hazırlanması:
Bütün maddələri götürərək ələ yapışmayan yumşaq bir xəmir alırıq.
Çəngəl və ya kartof kəsici ilə forma verin.
20 dəqiqə əvvəlcədən qızdırılan 180 dərəcəlik sobada bişiririk.

]]> true https://Fine.Az/metbex/16797-sade-asan-biskvit-tortu.html Beyaz_Gul Mətbəx Thu, 13 Mar 2025 10:22:45 +0400

Sadə, asan biskvit tortu

Diametri 20 sm qab üçün

Ərzaqlar:
Bislvit üçün:
1 yumurta üçün
30 qr şəkər tozu
26 qr un
6 qr nişasta

4 yumurta istifadə edirik 20 sm qəlibə
120 qr şəkər tozu
104 qr un
24 qr nişasta
1 çimdik duz

Kremi üçün:
250 qr yumşalmış kərə yağı
2 paçka 200 milli qaymaq (sütaş, milla)
4 paçka südlü şokolad (90 qr olandan)
Arasına banan

Biskvitin hazırlanması:
Yumurta, şəkər tozu və bir çimdik duz birlikdə ağaranadək çalınır. Ardınca un və nişasta əlavə edilib un çırpanla havası sönmədən ehtiyatla qarışdırırıq. Un, nişasta 3 dəfəyə əlvə edilsə daha yaxşı olar. Qarışımı qəlibə töküb əvvəldən 170 dərəcə qızdırılmış sobada 45-50 dəq bişiririk. İlk 25 dəqiqə sobanın ağzını qəti açmayın. Biskvit tam soyuduqdan sonra streçə büküb 3 saatlıq soyiducuya qoyuruq. Biskviti rahatlıqla 3 yerə bölə bilərsiz.

Krem üçün qaymağı qazana töküb qızdırırıq. Qazın altını söndürüb xırdaladığımız şokoladları əlavə edirik. Tam qarışandan sonra soyuması üçün qırağa qoyuruq. Arada qarışdırın ki, üzəri qaysaq bağlamasın. Yumşalmış kərə yağını çalırıq, soyumuş qanajı da qaşıq-qaşıq əlavə edib çalırıq. Qanajdan biraz üstenü bəzəmək üçün götürə bilərsiz. Kremi soyuducuya 1-2 saat özünü tutsun deyə qoyuruq.
Tortun arasına krem+banan düzürük, tortumuzu tam yığıb özünü tutması üçün 1 gecə soyuducuda saxlayırıq.
]]> true https://Fine.Az/metbex/16500-ev-seraitinde-hazirlanan-pizza-resept.html Beyaz_Gul Mətbəx Sat, 22 Feb 2025 15:51:33 +0400

Ev şəraitində hazırlanan pizza - RESEPT

Ev şəraitində hazırlanan pizza əsl kulinariya şah əsərinə çevrilə bilər. Bu reseptə uyğun bişirilən pizza o qədər dadlı olacaq ki, artıq heç vaxt sifariş etməyə ehtiyac qalmayacaq. Üstəlik, içliyini (qatıqlarını) öz zövqünüzə uyğun seçə bilərsiniz.

King.Az ən dadlı pizza reseptini təqdim edir:

Tələb olunan məhsullar:

Su - 50 millilitr

Un – 130 qram

Yumurta – 1 ədəd

Bitki yağı – 1 çay qaşığı

Duz – 0,5 çay qaşığı

Hazırlanma qaydası:

Bu pizza resepti ən sadə və sürətli üsullardan biri hesab olunur, çünki xəmirin mayalanması üçün gözləməyə ehtiyac yoxdur. Suyu bir qədər isidin. Yumurta, duz və yağ ilə qarışdırın. Daha xoş ətirli dad əldə etmək üçün bitki yağını zeytun yağı ilə əvəz edə bilərsiniz.

Unu ələkdən keçirin və hazırladığınız maye qarışıma əlavə edin. Xəmiri 15-20 dəqiqə ərzində yoğurun, ta ki, yumşaq və elastik hal alana qədər. Sonra, içlik hazırlayana qədər xəmiri bir az dinləndirin.

Xəmiri nazik şəkildə yayıb üzərinə sous çəkin və istədiyiniz inqrediyentləri düzün. 180°C temperaturda 15-20 dəqiqə bişirin. Bu qədər asan!

Nəticədə, dadına doyulmaz ev pizzası əldə edəcəksiniz.

Nuş olsun!
]]> true https://Fine.Az/metbex/16496-bananli-sokoladli-keks-resept.html Beyaz_Gul Mətbəx Sat, 22 Feb 2025 12:54:56 +0400

Bananlı-Şokoladlı Keks: RESEPT

Bu sadə bananlı-şokoladlı keks resepti sizə evdə hazırlanan desertin əsl dadını hiss etməyə imkan verəcək. O, həm iştahaçan görünüşü, həm də unudulmaz dadı ilə sizi sevindirəcək.

King.Az xarici mediaya istinadla Bananlı-Şokoladlı Keksin reseptini təqdim edir:

Əgər siz soyuq süd və ya kakao ilə mükəmməl uyğunlaşan yüngül və ləzzətli bir desert axtarırsınızsa, bu resept sizin üçün əsl tapıntı olacaq. Bu kekslərin ev şəraitində asanlıqla necə hazırlanacağını öyrənə bilərsiniz. Onlar yetişmiş bananların incə dadını, yüngül şirinliyi və şokoladlı çaları özündə birləşdirir.

Tərkibi:

Banan – 4 ədəd

Qəhvəyi şəkər – 70 qram

Ağ şəkər – 50 qram

Yumurta – 2 ədəd

Duz – 1 çimdik

Vanil ekstraktı – 1 çay qaşığı

Darçın – 1/2 çay qqaşığı

Soda – 1/2 çay qaşığı

Sirkə – 1 xörək qaşığı

Qoz-fındıq – 50 qram

Şokolad – 30 qram

Un – 220 qram

Kərə yağı – 50 qram

Hazırlanma qaydası:

Böyük bir qabda yetişmiş bananları çəngəl ilə əzin və bütün göstərilən inqrediyentləri qarışdırın. Yumurtalar, bir çimdik duzu, vanil ekstraktını və darçını əlavə edin. Üzərinə unu və əridilmiş kərə yağını əlavə edib, kütləni ehtiyatla qarışdırın ki, homogen konsistensiya alınsın. Keks qablarını hazırlayın. Hər bir formaya 2 xörək qaşığı xəmir tökün, ancaq tam doldurmayın.

Sobanı 180°C-yə qədər qızdırın və keksləri təxminən 25 dəqiqə bişirin. Bişmə vaxtı sobadan asılı olaraq dəyişə bilər, ona görə də hazır olub-olmadığını taxta çöp ilə yoxlayın – əgər çöp təmiz çıxırsa, kekslər hazırdır.

Asan hazırlıq, keyfiyyətli inqrediyentlər və mükəmməl balanslaşdırılmış dad bu keksləri gündəlik həyatınıza rəng qatacaq ideal bir seçimə çevirir.

Nuş olsun!
]]> true https://Fine.Az/metbex/13357-sokoladi-bele-saxlasaniz-butun-faydalari-itecek.html Beyaz_Gul Mətbəx Wed, 30 Oct 2024 10:55:09 +0400

Şokoladı belə saxlasanız, bütün faydaları itəcək

Şokolad demək olar ki, hər kəsin sevdiyi qəlyanaltı yeməyidir, lakin saxlama şəraiti onun dadına və ya rənginə təsir edə bilər.
King.Az bildirir ki, Qida Saxlama Mütəxəssisi Coşua Hyuston şokoladın soyuducuda saxlanmaması ilə bağlı xəbərdarlıq edib və düzgün saxlama şərtlərini çatdırıb.
Mütəxəssis, soyuducuda saxlanılan şokoladın digər qidalardan asanlıqla dad ala biləcəyini və dadının pisləşə biləcəyini, şokoladda rəng və dadın pozula biləcəyini bildirib.
Ərimiş şokoladların əriməməsi və ya əvvəlki formasına qayıtması üçün onları soyuducuda saxlamaq yanlış seçimdir. Mütəxəssislər şokoladın 10 dərəcə ilə 20 dərəcə arasında bir temperaturda saxlanması lazım olduğunu və şokoladın evdə günəş işığı olmayan sərin yerdə saxlanıla biləcəyini bildiriblər.
Əgər şokolad soyuducuda saxlanılırsa, keyfiyyətinin pisləşməsinin qarşısını almaq üçün də bəzi məsləhətlər var. Şokoladları soyuducuda hava keçirməyən qabda saxlasanız, onların dadı pisləşməyəcək. Yaxşı olardı ki, şokoladı yeməzdən yarım saat əvvəl soyuducudan çıxarıb, əriməsi üçün otaq temperaturunda buraxın.
]]> true https://Fine.Az/metbex/13258-payizda-orqanizmi-vitaminle-temin-eden-ve-xestelikden-qoruyan-qida-kelem-tursusu.html Beyaz_Gul Mətbəx Sat, 26 Oct 2024 11:49:18 +0400

Payızda orqanizmi vitaminlə təmin edən və xəstəlikdən qoruyan qida – Kələm turşusu

Payız mövsümündə orqanizmimizdə çatışmayan vitaminləri bərpa etmək və xəstəliklərdən qorunmaq üçün qidalanma rasionumuzu zənginləşdirməliyik. Bu məqsədlə kələm turşusu ən yaxşı seçimdir.

King.Az-ın news.ru-ya istinadla verdiyi məlumata görə, bu barədə rusiyalı həkim-dietoloq, tibb elmləri namizədi Yelena Solomatina bildirib.

Onun sözlərinə görə, kələm turşusunda çoxlu faydalı maddələr və qida lifləri var.

Payızda orqanizmi vitaminlə təmin edən və xəstəlikdən qoruyan qida – Kələm turşusu

"Orqanizminizə lazım olan hər şeyi verin, o özü nəyə ehtiyac olduğunu seçəcək. Orqanizmi məcbur etməyə ehtiyac yoxdur. Məsələn, payızda turşuya qoyulmuş kələm yemək məsləhətdir. Kələm turşusunda "C" vitamini, faydalı maddələr və zəruri qida lifləri boldur", - deyə həkim izah edib.

Dietoloq qeyd edib ki, özbaşına vitaminlər təyin etmək məsləhət deyil, çünki əlavələr artıq ola bilər.

"Məsələn, askorbin turşusu ilə ("C" vitamini) ifrata varmaq böyrəklərdə daşların əmələ gəlməsinə səbəb ola bilər. Bunun əvəzinə təbii məhsullar qəbul edin", - deyə o sözlərini yekunlaşdırıb.
]]> true https://Fine.Az/metbex/12244-mayonezli-ciyelek-piroqu.html Beyaz_Gul Mətbəx Wed, 09 Oct 2024 21:55:59 +0400

Mayonezli Çiyələk Piroqu

Bizim mayonezə olan sevgimizi izah etmək çətindir, amma bu reallıqdır ki, mətbəximizdə mayonez həmişə geniş istifadə olunub. Çox az adam bilir ki, mayonezlə təkcə salatlar hazırlamaq olmur. Ondan həmçinin şirniyyatlarda da istifadə etmək mümkündür. Bu reseptlərdən daha çox Sovet dövründə analarımız istifadə ediblər.

Mayonez nədir? Bizim ölkədə yaşayanlar üçün mayonez daha çox sovet dövrü mətbəxinin simvollarından biridir, nəinki, Fransız mətbəxinə aid bir sous. Bütün dünyada mayonez – ketçup və xardal ilə birlikdə ən məşhur 3 sousdan biri kimi tanınır. Mayonezi konditer məmulatlarına vurduqda xəmir elastik və məsaməli alınır. Bu, mayonezin tərkibində olan bitki yağının hesabına baş verir.

Bu gün sizə xəmiri mayonez əsasında hazırlanan ciyelekli piroq resepti təqdim etmək istəyirəm. Yuxarıda qeyd etdiyim kimi mayonezin hesabına bu piroqun xəmiri havalı və məsaməli alınır.


Lazım olan ərzaqlar:
3 ədəd yumurta
1 stəkan şəkər tozu
4 xörək qaşığı mayonez
1 stəkan un
300 qr. çiyələk
vanilli şəkər 10 qr. (1 paket)
qabartma tozu 1 çay qaşığı
bir çimdik duz

Əvvəlcə bir qaba yumurtaları və şəkəri əlavə edin. Mikser ilə ağarıb köpüklənənə qədər qarışdırın.
Daha sonra mayonezi əlavə edin. Vanili də əlavə edib yenə mikser vasitəsi ilə qarışdırın. Bir çimdik duz əlavə edin.

Başqa bir qabda quru ərzaqları – un və qabartma tozunu qarışdırın. Az-az duru məhlula əlavə edib qaşıq və ya spatula ilə ehtiyatla un həll olana qədər qarışdırın. Xəmirdə un topalarının qalmamasına fikir verin.
Piroqu bişirəcəyiniz qabı yağlayın. Hazırladığınız piroq məhlulunu qaba töküb üzərini qaşıqla bərabəqləşdirin.

Çiyələkləri əvvəlcədən yuyub suyunu qurudun. Təmizləyib iki yerə bölün. Doğradığınız çiyələkləri piroqun üzərinə sıx şəkildə düzün.

180 dərəcəyə qədər isidilmiş sobada 30 dəqiqə bişirin. Piroq hazır olub soyuduqdan sonra üzərinə şəkər kirşanı səpə bilərsiniz.
Nuş olsun!
]]> true https://Fine.Az/metbex/12141-cinnabon-darcinli-bulka-resepti.html 𝓗𝓪𝓼𝓪𝓷𝓵𝔂 𝓡𝓸𝓿𝓼𝓱𝓪𝓷 Mətbəx Fri, 04 Oct 2024 21:57:14 +0400

Cinnabon – Darçınlı bulka resepti

Hamının sevdiyi darçınlı bulkaların adı bütün dünyada məşhur olan Cinnabon şirkəti ilə əlaqəlidir. Cinnabon – "cinnamon" ingilis dilindən darçın, "bone" – latın dilindən yaxşı deməkdir. 1985-ci ildə ata və oğul Riç və Qreq Komen qərara alırlar ki, dünyada ən dadlı darçınlı bulkalar hazırlasınlasınlar. İlk Cinnabon kafesi 1985-ci il dekabrın 4-də Sietl şəhətində açılmışdır. Hal-hazırda dünyanın 52 ölkəsində 1300 kafe fəaliyyət göstərir. Ən ətirli darçın növü olan Makara xüsusi olaraq Cinnabon üçün İndoneziya dağlarında yetişdirilir. Krem pendirli sous isə bulkalara əvəzolunmaz dad verən son kulinariya toxunuşu olur. Cinnabon kafelərində olan bulkaların əsas resepti sirr olaraq saxlansa da, bu gün dünyada evdar xanımlar da bu bulkaları hazırlayırlar. Mən də bu postda ən ideal Cinnabon resepti ilə sizinlə bölüşəcəyəm.

Lazım olan ərzaqlar:
Xəmir üçün:

250 ml süd
1 ç.q. maya
100 q şəkər tozu
2 yumurta
70 q kərə yağı
1 ç.q. duz
700 q un
İçlik:

50 q kərə yağı
150 q qəhvəyi şəkər
3 ç.q. darçın
Krem üçün:

100 q krem pendir ( Philadelphia, Almetto və ya Labne pendiri)
kərə yağı 100 q
100 q şəkər kirşanı

Xəmir üçün ilıq südün üzərinə bir az şəkər tozu və maya əlavə olunur, maya köpüklənənə qədər 10-15 dəqiqə gözlənir. Sonra yumurtalar ilə qalan şəkər tozu qarışdırılıb əlavə olunur. İlıq əridilmiş kərə yağı əlavə olunur. Un ələkdən keçirilib duz ilə birlikdə bura əlavə edilir və yumşaq xəmir yoğrulur. Xəmir 1-1.5 saat isti yerdə ağzı bağlı şəkildə mayanlandırılır.

İçlik üçün darçın, qəhvəyi şəkər tozu ( yoxdursa, ağ şəkər tozu əlavə edə bilərsiniz) və yumşaldılmış kərə yağı qarışdırılır.

Xəmir 2 kündəyə ayrılır və düzbucaqlı formada yayılır. Hər tərəfinə darçınlı içlik çəkilir.

Rulet kimi bükülür, və 4-6 sm enlikdə kəsilir.

Soba üçün qaba kalka kağızı sərib üzərinə bulkalar aralarında bir qədər məsafə olmaqla düzülür . Üzəri örtülüb 20-30 dəq isti yerdə saxlanır. 180-190 dərəcəli sobada 30 dəqiqə bişirilir.

Üzərinin kremi üçün yumşaq kərə yağı, krem pendir və şəkər kirşanı mikser ilə qarışdırılır. Bulkalar qaynar yox , bir az soyuduqdan sonra isti-isti üzərinə krem çəkilir.

Nuş olsun!
]]>