Vanuatu sahillərində 5,7 bal gücündə zəlzələ baş verib

Vanuatu sahillərində 5.7 bal gücündə zəlzələ qeydə alınıb.

King.Az xəbər verir ki, bu barədə məlumatı Avropa Aralıq Dənizi Seysmoloji Mərkəzi yayıb.

Zəlzələnin episentri 35.9 min əhalisi olan Port-Vila şəhərinin 233 kilometr şimal-qərbində qeydə alınıb, ocağı 35 kilometr dərinlikdə yerləşib.

Dağıntılar və zərərçəkənlər haqqında informasiya daxil olmayıb. Sunami təhlükəsi elan edilməyib.