ABŞ ordusu narkotik daşıyan katerlərə hücum edib: Səkkiz nəfər öldürülüb

ABŞ hərbi qüvvələri Sakit okeanın beynəlxalq sularında narkotik daşıdığı iddia olunan üç katerə hücum edərək səkkiz nəfəri öldürüb.

King.Az xəbər verir ki, bu barədə Pentaqonun sosial şəbəkə hesabında məlumat verilib.

Məlumata görə, katerlər Sakit okeanın şərq hissəsində narkotik qaçaqmalçılığı ilə məşğul olan marşrutla hərəkət edirmiş. Bu, kəşfiyyat məlumatları ilə təsdiqlənib. Katerlərə hücum edilib və nəticədə səkkiz narkotik qaçaqmalçısı öldürülüb.