Azərbaycanda yeni qatar reysi açılır

"Azərbaycan Dəmir Yolları" (ADY) Qapalı Səhmdar Cəmiyyəti 12 yanvardan etibarən yeni Gəncə-Qəbələ-Gəncə reysini istifadəyə verəcək.

King.Az xəbər verir ki, bu barədə ADY məlumat yayıb.

Bildirilib ki, paytaxtdan kənarda fəaliyyət göstərəcək bu ikinci regiondaxili dəmiryol marşrutu ölkəmizin iki tarixi, mədəni və turizm mərkəzini rahat və təhlükəsiz səfərlərlə birləşdirəcək.

Yeni marşrut vasitəsilə həm də Bakıdan Qəbələyə və əks istiqamətə hər gün səfər etmək mümkün olacaq. Biletlər bu gündən satışa çıxarılacaq.