Britaniya kralının qardaşı Endryu Epşteyn işi üzrə saxlandıqdan sonra sərbəst buraxılıb

Mərhum amerikalı maliyyəçi Cefri Epşteynlə bağlı istintaq çərçivəsində saxlanılan Böyük Britaniya Kralı III Çarlzın kiçik qardaşı, keçmiş şahzadə Endryu 12 saatdan sonra polis tərəfindən sərbəst buraxılıb.

King.Az bu barədə "Sky News" telekanalına istinadən xəbər verir.

Telekanal bildirir ki, o, polis bölməsini avtomobillə tərk edib.

Şahzadə Endryunun fevralın 19-da saxlanılması barədə BBC və "The Telegraph" məlumat vermişdi.

Bildirilirdi ki, bu, Epşteyn işi ilə əlaqədardır və o, vəzifə səlahiyyətlərindən sui-istifadədə şübhəli bilinir.