Pezeşkian: "Cenevrədə ABŞ ilə danışıqlardan sonra İran ümidverici siqnallar alıb"

"Cenevrədə keçirilən dolayı danışıqlar zamanı İran və ABŞ Tehranın nüvə proqramı ilə bağlı fikir ayrılıqlarının həlli üçün praktik təkliflər mübadiləsi aparıblar, "ümidverici siqnallar" var".

King.Az-ın TASS-a istinadən verdiyi xəbərə görə, bunu İran Prezidenti Məsud Pezeşkian bildirib.

"İran regionda sülhə və sabitliyə sadiqdir. Son danışıqlarda praktik təkliflər mübadiləsi aparılıb və ümidverici siqnallar verilib", - deyə o, "X" hesabında yazıb.

Eyni zamanda, Pezeşkian vurğulayıb ki, İran hökuməti ABŞ-nin hərəkətlərini yaxından izləməkdədir və Tehran mümkün ssenarini həll etmək üçün lazım olan hər şeyi edib.