Ukraynalı deputat Naxçıvana dron hücumu haqqında: "İran "neytral oyunçu" maskasını atıb"

"Bu gün İran dronlarının Azərbaycanın Naxçıvan Muxtar Respublikasına hücumu adi hadisə deyil".

King.Az xəbər verir ki, bunu "Report"a açıqlamasında Ukrayna Ali Radasının hakim "Xalqın xidmətçisi" partiyasından deputatı Yuri Kamelçuk deyib.

O deyib ki, belə bir hal ukraynalılar üçün ağrılı dərəcədə tanış görünür:

"Hər gecə Kiyevi və Odessanı hədəf alan eyni İran texnologiyaları indi Qafqazda mülki obyektlərə - hava limanına və məktəbə zərbə endirirlər", - deyə Y.Kamelçuk vurğulayıb.

Deputat qeyd edib ki, İran "neytral oyunçu" maskasını tamamilə ataraq dünyəvi, suveren dövlətə qarşı birbaşa təcavüzə keçib.

O vurğulayıb ki, bu, dünyanın böyük müharibəyə diqqətini yönəltdiyi bir vaxtda Cənubi Qafqazı sabitsizləşdirmək üçün birbaşa cəhddir.