BMT: "İranın Naxçıvana dron hücumu Azərbaycanın suverenliyinin açıq-aydın pozulmasıdır"

İran İslam Respublikasının Azərbaycanın Naxçıvan bölgəsinə dron hücumu Azərbaycan suverenliyinin açıq-aydın pozulmasıdır.

King.Az "Report"a istinadən xəbər verir ki, bunu BMT baş katibinin sözçüsü Stefan Düjarrik bildirib.

Sözçü BMT baş katibinin baş verənlərlə bağlı narahatlığını dilə gətirib:

"Biz Azərbaycan ərazisinə edilən dron hücumundan aşkar şəkildə çox narahatıq və ciddi təşviş keçiririk. Bu, Azərbaycanın suverenliyinin açıq-aydın pozulmasıdır", - deyə o bildirib.

S.Düjarrik İranı beynəlxaq hüquqa və BMT nizamnamələrinə əməl etməyə çağırıb.